مرزوڨي وْ وِلدْ مْرازيڨ

مرزوڨي وْ وِلدْ مْرازيڨ يْجلّيها في وڨت الضّيڨ

شعبك يا تونس موهان من السبسي شايب خرنان

استوزر ولّى كي الثعبان و لمّدها فلول  مْطاليڨ

ڨلب التجمع نداء هو داء تَعكّز علْ محسن زنديق

ڨالّك ديمقراطي فنّ ناقوس يْرِنّْ زفلوت و بلعوط وْ ريق

على الكرسي يا ولادي نجنّ بدي فيها كذب و تلفيڨ

رجّع  المرزوڨي ارهابي و آه يا صحابي يا ملاّ تفريڨ

تونس يحبّ يفرّڨها و ها اللعبة بالك تلعبها يا سبسي

و انت راغبها رياسة طالبها و عامل عُكّازك مرزوڨ

هيّ لصاحبها المرزوڨي على الكرسي ڨليبك محروق

لا ثمة ارهاب يا باجي إنت كذّاب حتّى لصحاب عليك لاموا

أمّا الكلاب اللّي تنبح ما تحبّ صواب و الباب عليها مغلوڨ

يا باجي العِثّة أفهم تونس لا هِي ورثة و لا هيّ صندوڨ

الخضرا بلاد الناس الكلّ اللي ثاروا و رفضوا عيشة الذّلّ

بلاد الأحرار بلاد اللي رفضوا العار, و الخاين كَارَهْ مشنوڨ

أبوجعفرالعويني