كبسولات صحفية -2-

كبسولات صحفية

**عمرو الليثى يكشف أسرار الساعات الأخيرة للرئيس المخلوع.. المشير رفض منصب نائب الرئيس.. وجمال خطط لإبعاد طنطاوى عن المجلس العسكرى لرفضه مشروع التوريث.. وعنان رفض إطلاق الرصاص على المتظاهرين.

= دي مش عناوين وبس دي طلقات رصاص من رشاش آلي ياعمرو.. بس سيبك انت، طنطاوي وعنان رجاله بجد.

***

**وزير الخزانة الأمريكي يحذر من مخاطر كارثية بسبب عدم اتفاق بلدان اليورو على مساعدات أثينا.

=بس اثينا اللي محتاجة مساعدات يااسمك ايه انت.. ماهي باكستان بتصرخ وتستغيث وأفغانستان زيها ..ولا عشانهم مش تحت مظلة" الشيخ يورو" ؟؟

***
** فضائح نواب كويتيين اغتصاب وزواج عرفي من مصريات ومغربيات وعراقيات ورشاوى وقصور

= يا كاتب الخبر ..كل بلد فيه نواب زي كده واكتر من كدا والله يستر على عبيده

***
**بلاغ سعودي للنائب العام المصري حول الاعتداء على السفارة السعودية.

= الحكاية حصل فيها لبس كبير بين الثوريين والهمجيين والبلطجيين والفلوليين والأمن اللي منع المتظاهرين من عبور الشارع اللي فيه السفارة ، فالمسألة مش مقصودة وأهي مرت بسلام وبلاش نشعللها زيادة.

***
** جنود وشبيحة سوريين جمعوا اكثر من 15 حمارا على هضبة ورصوهم ثم اطلقوا النار عليهم بضحكات هستيرية
= المنظر اللي شفته صوت وصورة اصابني بنوع من الغثيان لان القتل اصبح في دمائهم للبشر وللحمير ايضا

***
** مرة ثانية ..الحمير تتساقط واحدا تلو الاخر برصاص جنود الجيش السوري واللي يصاب بس يتواصل ضرب النار عليه حتى ينفق في الحال.

= الظاهر انهم شكوا يكونوا بني ادميين سوريين متنكرين في صورة حمير

***

**وفد التحالف الدولى لكسر الحصار يعبر ميناء رفح مغادرا غزة
= الله يستر بس وميحصلش اللي حصل في " أسطول الحرية"

***
**أردوغان: سنقف مع الشعب الليبي وسندعمه في كافة المجالات
= تصريح جميل لم يقله أمين عام الجامعة العربية نفسه

***
**أميركا تحذر شركات النفط الغربية العاملة بأفريقيا من هجمات للقاعدة

= شكلها بتلعب على حبل الإرهاب عشان يبقالها دور شرطية العالم

***
**أوباما يحث على استئناف محادثات سلام الشرق الأوسط ولن يصوت للجانب الفلسطيني بالأمم المتحدة.

= طيب ليه الأخيرة دي ياسي أوباما مش نزلالك من زور

***
**مغاربة يهددون بقتل فنان فرنسي رسم آيات القرآن على جسده
= التهديد نعم ، التنفيذ لا، لأنه لا أول واحد ولا آخر واحد عمل كده

***
**خطيب الثورة المصرية:أردوغان ليس خليفة المسلمين وأرفض استقبال المصريين له وكأنه الفاتح العظيم

= ياناس افهمو أردوغان صح وبلاش لبس المصطلحات يخليكم تكرهوا الرجل الذي قلبه على الأمة الاسلامية أكثر من العرب كلهم ..بس بحكمة

***
**جمعية إبصار تتكفل بشراء المستلزمات الدراسية والوجبات الغذائية لطلاب مدارس النور بجدة
= الله ينور بصيرتهم عشان اللي بيعملوه لخدمة الأطفال المكفوفين
***

**السفيرة الأمريكية بالقاهرة تؤكد دعم بلادها الكامل لتعميق الديمقراطية في مصر
= كلام حلو بس أنهي ديمقراطية ياسعادة السفيرة؟

***
**المؤتمر الأول للسلامة الجوية لإقليم الشرق الأوسط يعقد بالقاهرة الأحد القادم
= لو كان الأمر بيدي لألغيت كل المؤتمرات المطاطة دي اللي مفيش من وراها فايدة تذكر.

***
**مركبة 'سيوز' تعود إلى الأرض بنجاح وعلى متنها 3 روّاد فضاء
= الروس مش ناسيين مجدهم الفضائي العريق الذي سبق أمريكا نفسها
***
**مخاوف من تفشي حمى الكونغو في باكستان بعد انتشار حمى الضنك
= يكفي باكستان الفيضانات واللي عملتوا فيها.. فينك يامنظمة الصحة العالمية؟

***

** دعوى قضائية تتضمن توقيعات 55 مواطنا للمطالبة بتسليم حسين سالم
= مصير الهربان ينقبض عليه و"طره" ياما شال وهيشيل كمان

***
** تحقيق-السودانيون يقاطعون اللحوم لمحاربة ارتفاع الاسعار..

= زمان سئل أحد الصالحين عن غلاء اللحم فقال:"رخصوه بالترك".

***
** سورية: 46 قتيلا في جمعة" ماضون حتى اسقاط النظام"

= الراجل دا ناوي يخلص على شعبه والسؤال: هيلاقي فين بعد كدا ناس يحكمهم

***
** إسرائيل تستدعي سفير مصر للاحتجاج على تصريحات شرف حول تعديل «كامب دايفيد »
= كل اللي قاله انها ليست مقدسة يعني مش كلام نازل من السماء ..شرف غلط في ايه بقه؟؟

***
** فرنسا تحظر صلاة المسلمين بالشوارع
= طيب وفروا لهم مساجد ياناس والمسلمين هناك عدد لايستهان به

***
** زفاف الأمير وليام يدخل "جينيس"

= معقول .. لكن تقولي ممثلة امريكية تدخل بسبب طول اظافرها اهي دي" البجاحة " بعينها