ثوري في تونس: خالد الأخضر

ثُورِي ثوري ثوري     ثوري ثوري ثوري

هايْ هايْ هايْ      هايْ هايْ هايْ

ثوري في بُوزٍيدْ     في الكَافُ وسِلْيَانَهْ

ثوري في الجَرِيدْ      نِتْحَدَّى الخِيَانَهْ

ما نْصِيرْ عْبِيدْ       لِوْلادِ لْعِرْيَانَهْ

ما بْنِحْمِي دارْنَا       وْمَا بْنَغْسِلْ عَارْنَا

إلَّا بْطَرْدِ لْجَزَّارْ

***

ثَوري في بِنْزَرْتْ        في الحَّامَّهْ وْفِرْيَانَهْ

ثُورِي في قمَرْتْ       وْحَتَى في قُرَانَا

راهُو القلْبِ تْعَبَّى       وِالنُّفُوسْ عَيَّانَهْ

ثايْرِينْ بِصْغارْنا       ثايْرِينْ بِكْبارْنا

عْلى عِصَابْةِ المافْيَا

***

ثُوري في السَّوَاحِلْ       مَهْدٍيَّهْ وْمِسّْتِيرْ

في قفْصَهْ القوَافِلْ       في رَأْسِ الجَدِيرْ

تُونِسْ أرْضِي حُرَّهْ       وِالسَّرَّقَهْ عْلَى بَرَّهْ

صَامْدِينْ بِصْغارْنَا    صامْدِينْ بِكْبارْنا

وْمَا بْيِحْمي دارْنا   وْما بْنِغْسِلْ عارْنا

إلّا بْطَرْدِ الغَدَّارَهْ

***

ثوري في جَنْدُوبَهْ     في تَالَهْ وْفوشانَهْ

لْعِصابَهْ لْمَكْلُوبَهْ      نْحَرِّجْ مِنْ بْلادْنا

اللَّهْ يُنْصُرْ شَعْبْنا       وْيِهْلِكِ لْخَوَّانَهْ

ثايْرِنْ بصْغارْنا         ثايْرِنْ بِكْبارِنا

ما بْنِحْمي دارْنا     وْما بْنِغْسِلْ عارْنا

إلاّ بْضَرْبِ الجَبانَهْ

***

ثوري في القَصْرِينْ      في جِرْبَهْ وْمِدْنينْ

باجَهْ وْتاجِرْوِينْ        نَفْطَهْ وْطَطَّاوِينْ

وْرَانا شادِّينْ       في طرْدِ المُجْرِمينْ

ثايْرينْ بِصْغارْنا        ثايْرِينْ بِكْبارْنا

ما بْنِحْمي دارْنا         وْما بْنِغْسِلْ عارْنا

إلا بْقَتْلِ الخَوَّانَهْ

***

ثوري عَلْ جَلّادَهْ       يَا جْمَاهِرْنَا ثوري

ثوري عَلْ قوَّادَهْ       عْلَى لْحِزْبِ الدُّسْتُوري

ياعِصَابْةِ المافْيَا       مِنْ تُنِسْنَا غُوري

ما بْنِحْمي أرْضْنا         وما بْنِحْفِظْ عِرْضْنَا

إلّا بْطرْدِ الحَجّامَهْ

شَعْبي شْعْلِتْ نارُو      مْنْ عِصَابَهْ فاسْدَهْ

صَارِتْ تِخْرِبْ دارُو        وْعَالشَّبِيبَهْ حاقْدَهْ

ثايْرينْ بِصْغارْنا       ثايْرينْ برْجالْنا

ما بْنِحْمي دارْنا       ومابْيِمْسَحْ عارْنا

إلاّ الدَّمِ وْلِحْجَارْ

 

خالد – الأخضر باريس

أواخر ديسمبر 2010