الإرهاب الشّابع

 

رذّا على خطابك بالأمس,هاك الرّدّ العاجل,من أغلب أفراد الشعب عدى الانتهازيين.

 

شبعت وشبعت وراك الهيئة  اولاد بن علي واولاد الطرابلسية

 

الارهاب الانقلاب يوم السابع    خديعة عصابة سوء دستورية

 

نهار سبت زيّ اليوم فيه نتابع   فرحة كبيرة الشعب ماله دية

 

لا ظلم بعد اليوم كذبك نابع   من ڤلب ڤاسي الحقد عنده سجيّة

 

أقسمت ع القرآن وانت كاذب   عمرك ولا صلّيت في الفجرية

 

هذا كلامك حسب ماهو كاتب صحافي سعودي والصّحف مكّية

 

الدّيـن لا اكراه لـكن حابب   يُصدُق كلامك لاش تخدع فـيّ

 

امشي مع الكذاب حتّى الباب سرنا  مشينا وراءك ليّـة بليّـة

 

حتّى سبرنا أغوارهم لكلاب   سياسة يسـار ووجوه ماسونية

 

ويهاجموا في الدّين باب بِبّاب   التّيّـاب قالوا جموع ارهابية

 

أمّاالصلاة والدّين صار إرهاب  تهمة وجريمة خيوطها غربية

 

الإرهاب ها يا شين موش حجاب   وتعلّقه للشعب في العدلية

 

الهروين واليختات والشّراب   هاذي الفضايح ما بقت مخفيّة

 

أمّا السّرايق سطـو وانتهاب  الشّعب عانى يا كبيـر السّيئة

 

الشّعب فايق واللّي عايل تاب   الإسـلام هـو الحلّ للقضيّة

 

الإصلاح موش اليوم يا كذّاب   السّوّء فاتك روح ننّي شويّة

 

يزّيـك يا مجرم سليل إرهاب   الشعب طالب محكمة  دولية

 

انت و ليلى وحزبكم ع الباب   وأنسـابكم والعائلة جمليّـة

 

الله أيهـزّكم في ليبيا سيّاب    ولاّ جهنّم في الوطى منفيّـة

 

أمّا البقاء حلّوا عليه كتاب  الشّعب رافضكم مِايا  بالميـّـة

ابوجعفرالعويني11/01/11